Deputeti i VV-së, Artan Abrashi ka reaguar pasi Ministria e Ekonomisë i ka dhënë leje kompanisë Kelkos për operimin e dy hidrocentraleve në bjeshkët e Deçanit.
Ai në postimin e tij në Faceook, ka akuzuar ministrin e Ekonomisë, Blerim Kuçi se gënjen haptas për këtë çështje.
Abrashi ka thënë se ky rast është për burg.
Postimi i plotë:
Sa thellë i ka lëshuar rrënjët krimi i organizuar brenda institucioneve të vendit!
· Në kushte kur Kuvendi i Kosovës ka formuar Komision Hetimor për çështjen e Hidrocentraleve, vazhdon i papenguar procesi i licencimit të tyre mbi baza të dyshimta ligjore.
· Në Komision Hetimor deputetët e pozitës dhe disa të opozitës sabotojnë kërkesën e drejtë për ndërprerjen e përkohshme të dhënies së lejeve dhe licencave deri në përfundimin e punës së Komisionit hetimor.
· Shpiken rregulla fiktive që i mbivendosen dispozitave ligjore, vetëm për dhënie të licencave.
· Ministria lëshon leje mjedisore pa plotësim të kritereve, kurse ministri Kuqi gënjen haptas se nuk e ka bërë një gjë të tillë.
Krejt kjo bëhet gjersa pasuria natyrore e Kosovës dëmtohet egërsisht dhe pa kthim në emër të profitit privat.
Rast për burg!
