Ministrja e Punëve të Jashtme dhe Diasporës e Kosovës, Meliza Haradinaj-Stublla, ka reaguar pas deklaratave të presidentit serb, Aleksandar Vuçiq.
Gjatë ditës së sotme, presidenti i Serbisë, Aleksandar Vuçiq, ka paralajmëruar një konflikt të ri të mundshëm sikurse ai në Nagorno-Karabak.
E pas këtyre deklaratave ka reaguar ministrja e Punëve të Jashtme dhe Diasporës e Kosovës, Meliza Haradinaj-Stublla, e cila Vuçiqin e ka quajtur “këlysh” të Rusisë.
“Politika dhe qasja e Serbisë nën rolin e “këlyshit të Rusisë” është qartazi kundër vlerave evropiane, dhe kundër politikave të NATOs për stabilitet dhe siguri në Ballkan”, ka shkruar ndër të tjerash Haradinaj – Stublla.
Reagimi i potë i Haradinaj-Stubllës, pa ndërhyrje:
Pas nxitjes së luftimeve në Nagorno-Karabakh me armë të prodhuara në Serbi, Serbia në krye me Vuçiqin – Ministrin e Propagandës së Millosheviqit – tani po kërcënon të gjitha shtetet fqinje të rreshtuara me NATOn se do të vazhdojë forcimin ushtarak për t’u përgaditur për luftëra të reja në Ballkan!
Politika dhe qasja e Serbisë nën rolin e “këlyshit të Rusisë” është qartazi kundër vlerave evropiane, dhe kundër politikave të NATOs për stabilitet dhe siguri në Ballkan.
Të gjitha përpjekjet ruso-serbe për të minuar stabilitetin, paqen dhe sigurinë në rajon janë të papranueshme për Kosovën, dhe do të dështojnë ashtu siç kapitulluan turpshëm në vitin 1999.
