Kryetari i Lëvizjes Vetëvendosje, Albin Kurti, ka folur mbi arrestimin e Hashim Thaçit, Kasri Veselit, Jakup Krasniqit e Rexhep Selimit nga Gjykata Speciale e Hagës.
Sipas Kurtit, arsyetimi i Speciales se kjo ndërmarrje ka ushtruar veprime nga viti 1998 është i pabesueshëm, derisa ka thënë se po të bëhej fjalë për vitet e mëvonshme edhe do të ishte e besueshme.
Ai ka kërkuar që qeveria të angazhohet për mbrojtjen e të akuzuarve nga Specialja.
E, lidhur më këtë kërkesë të Kurtit, ka reaguar ish-ambasadorja e Kosovës në Itali, gazetarja dhe deputetja, Alma Lama.
Lama përmes një shkrimi në Facebook, kërkesën e Kurtit e ka quajtur si një gabim fatal.
Sipas saj, çdo ndihmë nga qeveria implikon shtetin e Kosovës në krimet e luftës.
Ja shkrimi saj:
Gabim fatal, çdo ndihmë nga qeveria implikon shtetin e Kosovës në krimet e luftës.
Ata që akuzohen duhet të mbrohen si individ, dhe nëse janë të pastër askush nuk do të mund t’i dënojë!
