Nënkryetari i Partisë Demokratike të Kosovës, Sami Lushtaku, dhe deputetja e Kuvendit të Kosovës nga radhtë e Partisë Demokratike të Kosovës, Ganimete Musliu, kanë vizituar ish-deputeten Flora Brovina.
Lushtaku për Brovinën thotë se ajo për dekada me radhë ishte aktiviste e njohur dhe e zëshme, e cila ishte dënuar me 12 vite burg nga regjimi serb për shkak të veprimtarisë patriotike të saj.
Nënkryetari i PDK-së përmes një shkrimi në Facebook, i ka uruar jetë të gjatë e shëndet të plotë ish-deputetes Brovina.
Ja shkrimi i Lushtakut:
Së bashku me deputeten Ganimete Musliu, vizituam poeten, ish të burgosurën politike, veprimtaren për të drejtat e njeriut, aktivisten politike e ish deputeten e Kuvendit të Kosovës, znj. Flora Brovina.
Ajo për dekada me radhë është aktiviste e njohur dhe e zëshme, e cila ishte dënuar me 12 vite burg nga regjimi serb për shkak të veprimtarisë patriotike të saj.
Zonjës Brovina i dëshiroj jetë të gjatë e shëndet të plotë. SL
