Deputeti i Kuvendit të Kosovës nga radhët e Lëvizjes Vetëvendosje, Mefail Bajqinovci, në një postim në Facebook ka treguar se kur do të arrihet koalicioni LDK-PDK në nivel qendror.
Sipas tij, menjëherë pas zgjedhjeve në komunën e Podujevës do të bëhet ky koalicion.
“Koalicioni në nivelin qendror mes LDK-së dhe PDK-së do të kristalizohet menjëherë pas zgjedhjeve në komunën e Podujevës”, ka shkruar Bajqinovci në Facebook, transmeton “Bota sot”.
Në anën tjetër, kryetari i LDK-së, Isa Mustafa nuk e ka mohuar një koalicion me PDK-në, përkundrazi ka bërë thirrje që ata të bashkohen.