Kryeministri Avdullah Hoti, përmes një shkrimi në Facebook, ka njoftuar se sot kanë nderuar në 20 vjetorin e vrasjes, veprimtarin e patriotin e çështjes kombëtare, Xhemajl Mustafa.
Hoti thotë se Mustafa ishte bashkëpunëtor i ngushtë i Presidentit Rugova, një prej themeluesve të Lidhjes Demokratike të Kosovës, publicist e shkrimtar, dhe ishte ndër figurat qendrore të rrugëtimit tonë për liri dhe pavarësi.
“Bashkëpunëtor i ngushtë i Presidentit Rugova, një prej themeluesve të Lidhjes Demokratike të Kosovës, publicist e shkrimtar, Xhemajl Mustafa ishte ndër figurat qendrore të rrugëtimit tonë për liri dhe pavarësi”, shkruan Hoti në Facebook.
Ja shkrimi i tij:
Në 20 vjetorin e vrasjes, kujtojmë dhe nderojmë jetën dhe veprën e intelektualit, veprimtarit e patriotit të çështjes kombëtare, Xhemajl Mustafa.
Bashkëpunëtor i ngushtë i Presidentit Rugova, një prej themeluesve të Lidhjes Demokratike të Kosovës, publicist e shkrimtar, Xhemajl Mustafa ishte ndër figurat qendrore të rrugëtimit tonë për liri dhe pavarësi.
Dija, penda dhe angazhimi i Xhemajl Mustafes ishte në funksion të artikulimit të së drejtës tonë për liri dhe pavarësi përmes informimit të opinionit vendor e ndërkombëtar.