Veprimtari hershëm i Lidhjes Demokratike të Kosovës në Zvicër, Haki Latifi, ka përkujtuar në 20 vjetorin e vrasjes, Xhemajl Mustafën.
Latifi thotë se ata që e vranë janë akoma të lirë, ndërkaq Kosova kurrë nuk do të jetë plotësisht e lirë pa vënë para drejtësisë urdhërdhënësit dhe ekzekutuesit e këtyre.
Ai shkruan se Xhemajl Mustafën e vranë ata që se deshën lirinë, ata që se deshën guximin, dhe ata që se deshën besnikërinë.
Ja shkrimi i tij:
20 vite pas, ata që e vranë janë akoma të lirë, ndërkaq Kosova kurrë nuk do të jetë plotësisht e lirë pa vënë para drejtësisë urdhërdhënësit dhe ekzekutuesit e këtyre.
Xhemajl Mustafa e donte lirinë. Ai e donte dhe besonte në Kosovën e lirë.
Besnik dhe luftëtarë i pashembullt i lirisë.
Xhemajl Mustafën e vranë ata që se deshën lirinë, ata që se deshën guximin, ata që se deshën besnikërinë, ata që se deshën Kosovën, ata që se deshën Kosovën e lirë.
Guxim të palëkundur, urti e pafundme, vizionar dhe largpamës është përkufizimi më i denjë për formatin e intelektualit, njeriut të Kosovës, Xhemajl Mustafa.
I tillë ishte, i tillë mbeti përjetësisht Lajmëtari i Lirisë, Xhemajl Mustafa!
