U.D i kryetarit të PDK-së, Enver Hoxhaj, ka thënë se kjo parti nuk e përkrah Ramush Haradinajn për president dhe se nga ta nuk ka vota për të.
Pas kësaj ka reaguar deputetja e AAK-së, Time Kadrijaj.
Përmes një postimi në Facebook, ajo ka thënë se nuk kanë kërkuar përkrahje nga Enver Hoxhaj por nga themeluesit e PDK-së, bashkëluftëtarë dhe përkrahës të z. Hashim Thaçit e Kadri Veselit dhe gjithë atyre që kanë kontribuar në luftën e UÇK-së dhe kanë kontribuar në shtetndërtimin e Kosovës, përcjell Bota sot.
Ajo ka shtuar se është shumë e rëndësishme dhe në interes të shtetit, që për shkak të situatës, Haradinaj duhet të jetë president.
Postimi i saj i plotë:
Ne nuk kemi kërkuar përkrahje prej Enver Hoxhës, po kërkojmë përkrahje për presidentin prej themeluesve të PDK-së, bashkëluftëtarë dhe përkrahës të z. Hashim Thaçit e Kadri Veselit dhe gjithë atyre që kanë kontribuar në luftën e UÇK-së dhe kanë kontribuar në shtetndërtimin e Kosovës.
Tash është shumë e rëndësishme dhe në interes të shtetit, që për shkak të situatës në të cilën gjendemi, një personalitet si Ramush Haradinaj të jetë president!