Gjatë ditës së djeshme është arrestuar hoxha nga Drenasi, Osman Musliu, pas një përleshjeje fizike që ka pasur me një person në Bashkësinë Islame të Kosovës, dega në Drenas.
Por, ai është liruar pas 24 orë ndalimi nga Policia e Kosovës.
Lajmin e ka konfirmuar avokati i tij, Gazmend Halilaj.
“Hoxha është arrestuar dje në mbrëmje, pa ndonjë verifikim real të informative të mbledhura. Por, gjatë ditës së sotme pas një analize të ndodhjes së rastit i njëjti është liruar dhe gjendet krejtësisht i lirë. I njëjti kishte vepruar në vetëmbrojtje nga një sulm krejtësisht i paprovokuar nga ana e tij”, tha Halilaj.
Hoxha nga Drenasi, mulla Osman Musliu, është arrestuar dje pas një përleshje që ka ndodhur në një lokal të Drenasit mes hoxhës dhe një personit tjetër.
