Një nga konsujt e shkarkuar thotë se nuk e njeh vendimin e Vjosa Osmanit

Aktuale

Një nga konsujt e shkarkuar thotë se nuk e njeh vendimin e Vjosa Osmanit

Më: 26 nëntor 2020 Në ora: 12:14
Lindin Kqira

Lindin Kqira, konsull në Maqedoninë e Veriut, të cilin dje e shkarkoi U.D së presidentes së Kosovës, Vjosa Osmani, tha se nuk e njeh vendimin e saj.

Kqira përmes një reagimi të hapur tha se vendim i Osmanit është tendencioz, arbitrar dhe përçarës.

Madje konsulli që u shkarkua nga Vjosa Osmani hyri edhe në analizë politike duke thënë se Osmani u bë në mënyrë aksidentale Kryeparlamentare dhe se legjislatura që ajo e drejton është më e dobëta.

Reagimi i plotë:

Shkup,26 Nentor 2020

Deklarate për opinion

Nuk e njoh vendimin arbitrar dhe politik te u.d.Osmani !

Me vetëdije dhe përgjegjësi te plote, deklaroj se nuk njoh dhe as nuk e perfilli vendimin për shkarkimin tim, nga pozita e Konsullit-Ministrit Keshilltar, ne Ambasaden e Republikës së Kosovës, në Shkup, nga zonja Vjosa Osmani, kryetare e Kuvendit te Kosoves dhe u.d.e presidentit te Republikës së Kosovës.

Ky vendim ne radhe të pare eshte tendencioz, arbitrar, vendim politik dhe perqares, e mbi te gjitha eshte antikushtetues dhe i pa presedan ne diplomacine e Kosovës.

Zonja Osmani do duhej të merrej me punen e Kuvendit te Kosovës,i cili qe nga ardhja e saj ne krye te ketij kuvendi, ne menyre aksidentale, ështe e vleresuar si legjislatura me e deshtuar e Kosovës nga themelimi i Kuvendit te Kosoves e deri me sot. Neglizhenca e situates me pandemine globale,kriza ekonomike,aprovimi i Ligjit per Rimekembjen Ekonomike dhe nje varg ligjesh tjera jetike per qytetaret e Kosoves do duhej te ishin ne agjenden e saj dhe jo shkarkimet arbitrare, antikushtetuese me qellim te destabilizimit politik dhe futjes se hutise ne sherbimin diplomatik te Kosoves, ne Shkup dhe kudo, për qëllime hakmarreje dhe të profiterizmit politike.

Vendimi i Ushtrueses se Detyrës së Presidentit të Republikës së Kosovës përshkarkimin tim, për mendimin tim është nxjerrë në kundërshtim me nenin 84 të Kushtëtutes së Republikës së Kosovës, ngase znj, Osmani këtë vendim e ka marrë pa konsulltim paraprak me MPJD dhe Qeverinë e Republikës së Kosovës. Në këto rrethana, kushdo që bënë përpjekje me zbatue këtë vendim të njëanshëm, përfshihet në shkelje Kushtetuese. Veprimet e mia karshi këtij vendimi, do të jenë në përputhje me dispozitat ligjore dhe Kushtetuten e Republikës së Kosovës dhe paralajmrojë se kundër këtijë vendimi arbitrar të kryekuvendares, Osmani, do ta ndjekim rrugën ligjore, nërsa unë do të vazhdoj normalisht punën dhe angazhimet ditore në Ambasadën e Republikës së Kosovës në Shkup.

commentFirst article
Sot mund të lexoni Shfletoni kopertinat