Mbi 37 mijë raste pozitive me COVID-19 në Kosovë që nga fillimi i pandemisë

Aktuale

Mbi 37 mijë raste pozitive me COVID-19 në Kosovë që nga fillimi i pandemisë

Më: 26 nëntor 2020 Në ora: 23:42
Klinika Infektive e QKUK-së.

Saktësisht 37,028 raste pozitive me koronavirus janë shënuar në Kosovë që nga fillimi i pandemisë.

Gjatë 24 orëve të fundit në Kosovë janë regjistruar edhe 775 raste pozitive me koronavirus nga 1903 të testuar.

Në këtë interval kohor, kanë ndërruar jetë edhe 15 pacientë të infektuar me COVID-19.

Rastet e vdekjes janë nga komunat: Prizren 4 raste (76, 66, 56, 52 vjeç), Prishtinë 2 raste (78, 66 vjeç), Ferizaj 1 rast (78 vjeç), Gjilan 1 rast (80 vjeç), Klinë 1 rast (76 vjeç), Suharekë 1 rast (77 vjeç), Pejë 2 raste (71, 64 vjeç), Vushtrri 1 rast (72 vjeç), Gjakovë 1 rast (69 vjeç) dhe Podujevë 1 rast (87 vjeç).

Numri total i rasteve pozitive është 37.028 raste nga 137.872 persona të dyshimtë në virusin SARS-CoV-2 dhe 963 raste të vdekjes.

Në 24 orët e fundit janë shëruar 553 pacientë derisa numri i përgjithshëm i të shëruarve deri më sot është gjithsej 22. 690 raste, kurse numri i rasteve aktive është 13.375.

commentFirst article
Sot mund të lexoni Shfletoni kopertinat