Avokati shqiptar: Keni për ta parë, ja çka do të ndodhë pasi u themelua ushtria e Kosovës

Aktuale

Avokati shqiptar: Keni për ta parë, ja çka do të ndodhë pasi u themelua ushtria e Kosovës

Nga: A.Zh Më: 27 nëntor 2020 Në ora: 19:33
Spartak Ngjela

Sot është bërë një vit që nga themelimi i Ushtrisë së Kosovës.

Për këtë ngjarje ka komentuar edhe avokati shqiptar Spartak Ngjela.

Ai ka thënë se kjo ditë në historinë e Shqipërisë është rasti sublim që flet qartë për dy arsye historike.

E para sipas tij, është shkatërrimi psiqik i Serbisë dhe arsyeja e dytë hedhja e hapit të plotë historik për garancinë e jetës kombëtare shqiptar në funksion të bashkimit kombëtar, përcjell Bota sot.

Ai ka vlerësuar se koha e forcës shqiptare po përsërit vetveten, për krijimin e Arbërisë moderne.

Reagimi i plotë i Ngjelës në Facebook:

Sot është dita e Ushtrisë së Kosovës.

Mos e mendoni se është një rast i zakonshëm dhe as një diç që i takon rutinës historike të një vendi, e aq.

Kjo ditë, në historinë e Shqipërisë është rasti sublim që flet qartë për dy arsye historike:

Ky rast shkatërron psiqikisht Serbinë, mbajtësen pesëqind vjeçare të flamës çnjerëzore antishqiptare; dhe, ky rast, hodhi hapin e plotë historik të garancisë për jetën kombëtare shqiptare në Ballkanin Perëndimor, në funksion të bashkimit kombëtar.

Kjo është periudha historike, kur, që nga vdekja e Gjergj Kastriot Skënderbeut, koha e forcës shqiptare po përsërit vetveten, për krijimin e Arbërisë moderne.

Keni për ta parë...

Shfaq komentet
comments powered by Disqus
Sot mund të lexoni Shfletoni kopertinat