Kandidati për kryetar të Podujevës, Shpejtim Bulliqi bashkë me bashkëshorten e tij janë pajisur me pasaportë shqiptare.
Në muajin prill të këtij viti, Shpejtim Bulliqi i Lëvizjes Vetëvendosje së bashku me bashkëshorten e tij, Elfeten, janë pajisur me pasaportë të Republikës së Shqipërisë.
Pavarësisht faktit se emri i tij dhe i bashkëshortes së tij, figurojnë në dekretin e presidentit shqiptar Ilir Meta, i cili edhe është i publikuar në ueb faqen e Presidencës shqiptare, këtë gjë Bulliqi e ka mbajtur të fshehur, duke mos e publikuar asnjë foto nëpër rrjete sociale, ashtu siç bëjnë shumica e figurave publike kur pajisen me pasaportë shqiptare.
Theksojmë se Shpejtim Bulliqi, është kandidat për zgjedhjet e jashtëzakonshme për kryetar të Podujevës nga radhët e Lëvizjes Vetëvendosje, zgjedhje këto të janë filluar qysh në orën 07:00 të ditës së sotme, 29 nëntor 2020.
