Kryetari i Mitrovicës së Jugut, Agim Bahtiri ka deklaruar se është ndryshuar vendimi lidhur me dekorimin e qytetit.
Bahtiri tha se duke pas parasysh kërkesat e qytetarëve për zbukurim të shesheve të qytetit për festat e fundvitit dhe gatishmërinë e bizneseve për të kontribuar në këtë proces, është marrë vendim që qyteti të dekorohet për fundvit.
Ai shtoi se shkaku i pandemisë dhe nevojave në menaxhim, asnjë cent i komunës nuk do të shpenzohet për dekorim.
Ai shtoi se zbukurimi i shesheve do të paguhet nga disa biznesmenë.
Postimi i plotë:
Duke i pasur parasysh kërkesat e qytetarëve për zbukurim të shesheve të qytetit për festën e Vitit të ri dhe gatishmërinë e bizneseve për të kontribuar në këtë peoces, ju njoftoj se kam marrë vendim që qyteti të zbukurohet për fundvit.
Mirëpo, për shkak të situatës së pandemisë dhe nevojave për menaxhimin e saj me paratë publike, asnjë cent i komunës nuk do të shpenzohet për zbukurimin e qytetit.
Zbukurimi i shesheve do të paguhet nga disa biznesmenë të cilat iu kanë bashkëngjitur iniciativës time që ky proces të kryhet me buxhet privat, ku unë do të jem i pari që do të participoj me para personale.
AB