Kandidati i Lidhjes Demokratike të Kosovës për kryetarin e Podujevës Nexhmi Rudari, ka treguar se a do të rikandidojë për këtë post.
Rudari në një konferencë për media ku u paraqit me kryetarin e Degës së LDK-së dhe njëherësh ministrin e Punëve të Brendshme Agim Veliu, tha se për çështje e rikandidimit mbetet të vendos partia.
“Unë jam prononcuar disa herë. Çeshtja e rinkandimit është çështje e subjektit tim. Ne do të bëjmë një analizë të rezultatit, pas analizës do të vendosim për kandidatin që është më i mirë për zgjedhje”.
Në këtë konferencë Agim Veliu, ka pranuar se Lidhja Demokratike e Kosovës i ka humbur zgjedhjet pas 20 vjetësh në Podujevë.
Lëvizja Vetëvendosje i ka fituar zgjedhjet pa balotazh me rezultat 51.64 për qind.
Lidhja Demokratike e Kosovës, ka marrë 36.97 për qind.
Partia Demokratike e Kosovës, ka marrë 12.40 për qind.
Mandati i kryetarit të kësaj komune nuk do të jetë i plotë dhe do të zgjasë deri në zgjedhjet e ardhshme komunale.
