Avdullah Hoti: Situata me Covid-19 është serioze, mirëpo e menaxhueshme dhe nën kontroll

Aktuale

Avdullah Hoti: Situata me Covid-19 është serioze, mirëpo e menaxhueshme dhe nën kontroll

Nga: N. H Më: 1 dhjetor 2020 Në ora: 18:31
Avdullah Hoti

Kryeministri i Kosovës, Avdullah Hoti, përmes një shkrimi në Facebook, ka thënë se masat që kanë ndërmarrë deri më tani për parandalim të pandemisë Covid-19 kanë dhënë rezultat.

Hoti thekson se situata në Kosovë është serioze, mirëpo, sipas tij, e menaxhueshme dhe nën kontroll.

“Të nderuar qytetarë, festat e fund vitit kësaj radhe do të jenë më ndryshe. Ne duhet t’i respektojmë në përpikëri masat për parandalim të përhapjes së Covid-19, që të mund t’i kthehemi normalitetit”, shkruan Hoti.

Ja shkrimi i tij:

Masat që kemi ndërmarrë deri më tani për parandalim të pandemisë #COVID19 kanë dhënë rezultat. Situata është serioze, mirëpo e menaxhueshme dhe nën kontroll.

Të nderuar qytetarë, festat e fund vitit kësaj radhe do të jenë më ndryshe. Ne duhet t’i respektojmë në përpikëri masat për parandalim të përhapjes së #COVID19, që të mund t’i kthehemi normalitetit.

Falë angazhimit të të gjithëve, kemi arritur që të rrisim numrin e testimeve, po i ofrojmë shërbime shëndetësore të gjithë qytetarëve që kanë nevojë dhe do të vazhdojmë me rishikimin e masave. Varësisht nga vlerësimi i situatës epidemiologjike prej ekspertëve dhe në përputhje me protokollet e Organizatës Botërore të Shëndetësisë këto masa do të ndryshojnë, por gjithmonë do të kenë prioritet jetët e njerëzve.

#VendoseMasken #MbajeDistancen #MajeHigjienen

Shfaq komentet
comments powered by Disqus
Sot mund të lexoni Shfletoni kopertinat