Zëvendësministri i Financave: Në mars s’ka paga nëse shkohet në zgjedhje pa u votuar buxheti

Aktuale

Zëvendësministri i Financave: Në mars s’ka paga nëse shkohet në zgjedhje pa u votuar buxheti

Më: 22 dhjetor 2020 Në ora: 14:00
Agim Krasniqi

Zëvendësministri i Financave, Agim Krasniqi, ka kërkuar që së pari të votohet buxheti për vitin 2021, pastaj të shkohet në zgjedhje të jashtëzakonshme parlamentare.

“Gjykata Kushtetuese me datë 21.12.2020 nxori vendimin rreth së votës të deputetit Etem Arifi. Praktikat e deritanishme të zgjedhjeve kanë treguar se mund të kemi vonesa në procesin e konstituimit të Kuvendit dhe votimit të Qeverisë, po që se zgjedhjet e përgjithshme parlamentare mbahen në fillim të vitit 2021. Kjo për faktin se ka shumë gjasa që vendi të mbetet pa këto Institucione në tremujorin e parë të vitit 2021 dhe si kanë treguar zgjedhjet e fundit këto vonesa mund të marrin edhe disa muaj shtesë përtej tremujorit të parë të vitit 2021”.

“Duke parë këtë situatë, legjislatura aktuale do të duhej së pari të aprovon buxhetin për vitin 2021 i cili dokument është në Kuvend, të ndajë mjetet për zgjedhjet e përgjithëshme dhe pastaj të shkohet në zgjedhje në një datë të pranueshme për subjektet politike”, ka thënë Krasniqi.

Ai ka thënë se punëtorët e sektorit public rrezikojnë të mbesin pa paga nga muaji mars.

“Bllokada buxhetore do të prodhojë situatë të bllokadës së pagesave për sektorin publik nga muaji Mars 2021 e ku do të pësonte jo vetëm sektori publik, por gjithsesi edhe sektori privat dhe tërë sistemi ekonomik në mungesë të financave publike. Duke parë gjendjen aktuale do të kishim probleme të mëdha edhe në menaxhimin e pandemisë COVID -19”.

Ky është postimi i Krasniqit:

Së pari të votohet buxheti për vitin 2021, pastaj mund të shkohet në zgjedhje të jashtëzakonshme parlamentare.

Gjykata Kushtetuese me datë 21.12.2020 nxori vendimin rreth së votës të deputetit Etem Arifi.

Praktikat e deritanishme të zgjedhjeve kanë treguar se mund të kemi vonesa në procesin e konstituimit të Kuvendit dhe votimit të Qeverisë, po që se zgjedhjet e përgjithshme parlamentare mbahen në fillim të vitit 2021. Kjo për faktin se ka shumë gjasa që vendi të mbetet pa këto Institucione në tremujorin e parë të vitit 2021 dhe si kanë treguar zgjedhjet e fundit këto vonesa mund të marrin edhe disa muaj shtesë përtej tremujorit të parë të vitit 2021.

Duke parë këtë situate, legjislatura aktuale do të duhej së pari të aprovon buxhetin për vitin 2021 i cili dokument është në Kuvend, të ndajë mjetet për zgjedhjet e përgjithëshme dhe pastaj të shkohet në zgjedhje në një datë të pranueshme për subjektet politike.

Bllokada buxhetore do të prodhoj situate të bllokadës së pagesave për sektorin publik nga muaji Mars 2021 e ku do të pësonte jo vetëm sektori publik, por gjithsesi edhe sektori privat dhe tërë sistemi ekonomik në mungesë të financave publike. Duke parë gjendjen aktuale do të kishim probleme të mëdha edhe në menaxhimin e pandemisë COVID -19.

Qeveria e re dhe Kuvendi i ri posa të konstituohen kanë mundësin në një afat që mendojnë se është i arsyeshëm të përgatisin dhe të plotësojnë-ndryshojnë ligjin e miratuar të buxhetit përmes procesit të rishikimit të buxhetit për të zbatuar programin e tyre qeverisës.

Sipas Ligjit për Menaxhimin e Financave Publike dhe Përgjegjësitë, Nenit 24 Ndarjet buxhetore në mungesë të një Ligji për Ndarjet Buxhetore do të vlenin vetëm për dy muajt e parë të vitit 2021 nëse zgjedhjet e përgjithshme për deputetët e kuvendit janë mbajtur më pak se katër (4) muaj para fillimit të vitit përkatës fiskal duke siguruar një ndarje buxhetore për çdo organizatë buxhetore , që është e barabartë me 16.67% të ndarjes buxhetore nga ligji i ndarjeve buxhetore të vitit 2020.

Pas kësaj periudhe vetëm Kuvendi, me anë të një vendimi, mund të autorizojë zgjatjen e Ligjit për Ndarjet Buxhetore të vitit të kaluar fiskal edhe për muajin mars. Ligji për Ndarjet Buxhetore i vitit të kaluar fiskal, në asnjë rast, nuk mund të zgjatet për më shumë se tre (3) muaj të vitit të ardhshëm fiskal.

Për sqarime shtesë referoju LMFPP, Nenit 24.

commentFirst article
Sot mund të lexoni Shfletoni kopertinat