Konjufca për Hotin e Hoxhajn: Këta të dy me i bë bashkë kanë më pak vota se Albulena Haxhiu

Aktuale

Konjufca për Hotin e Hoxhajn: Këta të dy me i bë bashkë kanë më pak vota se Albulena Haxhiu

Më: 31 dhjetor 2020 Në ora: 00:03
Glauk Konjufca

Anëtari i Kryesisë së Vetëvendosjes, Glauk Konjufca ka komentuar kandidatin e LDK-së dhe atë të PDK-së për kryeministër në zgjedhjet e ardhshme.

Konjufca në DPT te Fidani ka thënë se Avdullah Hoti e Enver Hoxhaj të dy bashkë kanë më pak vota se Albulena Haxhiu.

“Këta të dy me i bë bashkë kanë më pak vota se Albulena Haxhiu, kështu i ka votu populli i Kosovës, e kam fjalën në zgjedhjet e fundit. Një parim universal të cilin e ndjekin të gjithë, ai parimi i mirënjohur, një metodë me të cilën fiton mos e ndërro, LDK-ja niset prej parimit të kundërt, një metodë me të cilën humbë mos e ndërro”, tha Konjufca.

Tutje ai ka komentuar edhe kandidatin e PDK-së për kryeministër, Enver Hoxhajn. Konjufca tha se Hoti e Hoxhaj janë kryeministra kukulla.

“Unë menoj që pak a shumë populli i Kosovës e ka përceptim të tabluar se ashtu siç është realcioni i Avdullah Hotit me Isa Mustafën njëjtë është edhe relacioni i Enver Hoxhajt me Hashim Thaçin ose Kadrin Veselin. Këta janë kryeministra kukulla, ne nuk kemi nevoje për kryeministra kukulla”, ka thënë Konjufca.

commentFirst article
Sot mund të lexoni Shfletoni kopertinat