Nënkryetari i Partisë Demokratike të Kosovës Sami Lushtaku, ka thënë se viti 2020 ishte i rëndë për qytetarët, shoqërinë, ekonominë dhe për shtetin e Kosovës.
Ai në urimin e tij për fundvit, ka përmendur pandeminë dhe aktakuzat e Gjykatës Speciale, duke thënë se ato thelluan hendekun e krizës në Kosovë, përcjell Bota sot.
Sipas tij, ato turbulluan orientimin për hapat e mëtejshëm.
Postimi i tij në Facebook:
Të dashur miq,
Viti që po e lëmë pas ishte një vit shumë sfidues për të gjithë. Ishte ky vit i rëndë për qytetarët, shoqërinë, ekonominë dhe për shtetin e Kosovës.
Pandemia goditi fuqishëm edhe Kosovën, duke gjunjëzuar ekonominë. Brishtësia institucionale e përballur më shumë sfida politike e ekonomike, nuk arriti dot t'i japë përgjigje të merituar këtyre sfidave. Aktakuzat e Gjykatës Speciale ndaj krerëve të UÇK-së, thelluan hendekun e krizës në Kosovë, duke turbulluar orientimin për hapat tanë të mëtejshëm.
Uroj që viti 2021 të jetë vit më i mbarë e më i begatshëm. Uroj të jetë një vit i mirëqenë dhe i suksesshëm për ju miq, për të gjithë qytetarët e vendit dhe për shtetin tonë.
Urime përzemërsisht Viti i Ri 2021! SL