Derisa shefi i kabinetit të Vjosa Osmanit, Faton Peci tha se PDK-ja nuk ka të drejtë të flasë për proces zgjedhor të rregullt, ka filluar përplasja mes tij dhe përfaqësuesit të PDK-së në KQZ, Faton Fetahu.
“Zotëri kjo është gjuhë e rrugëve. Është për turp që zyra e presidentit ka rënë në një nivel të një gjuhe të një partie politike. Është për turp, ju duhet të keni përgjegjësi e llogari sepse Etem Arifi ka marrë pagë në mënyrë kundërkushtetuese. Më vjen keq për nivelin tuaj” i thotë Fetahu.
Ndërsa, Faton Peci i thotë se vjedhja e PDK-së ka shkuar deri në vjedhje industriale.
“Turp. Ju jeni sinonim i turpit dhe i vjedhjes e plaçiktjes në Kosovë. Deri në vjedhje industriale”, ia kthen ai dhe ndërpret lidhjen direkte.
