Vëllai i Jakup Krasniqit në listën e kandidatëve për deputetë të Nismës

Aktuale

Vëllai i Jakup Krasniqit në listën e kandidatëve për deputetë të Nismës

Më: 15 janar 2021 Në ora: 15:03
Fatmir Limaj dhe Abdyl Krasniqi

Vëllai i Jakup Krasniqit, Abdyl Krasniqi, do të jetë njëri nga kandidatët e Nismës Socialdemokrate të Kosovës, në zgjedhjet e 14 shkurtit.

Këtë e ka bërë të ditur, krey i kësaj partie Fatmir Limaj.

Postimi i tij:

Arrestimi i paradokohshëm i kryetarit të Këshillit Kombëtar të NISMËS Socialdemokrate, z. Jakup Krasniqi ishte një goditje e madhe jo vetëm për partinë tonë, por për tërë kombin shqiptar.

Ai i mungon familjes, po aq sa edhe skenës politike dhe publicistike të Kosovës. Megjithatë, vizioni i tij politik, i mishëruar në NISMËN Socialdemokrate, jeton thellësisht në zemrat tona.

Sot kur jemi në prag të përgatitjeve për zgjedhjet e 14 shkurtit, strukturat tona janë mobilizuar si asnjëherë më parë që ky vizion të dalë sa më i fortë.

Më lejoni t’ju njoftoj se në këto zgjedhje, në listën e kandidatëve për deputet të NISMËS Socialdemokrate është Abdyl Krasniqi, vëllai i Jakup Krasniqit dhe bashkëveprimtar i palodhur në rrugëtimin e deritashëm.

Angazhimi i tij në vijë të parë të luftës sonë politike është një mesazh i qartë se do t’i mobilizojmë të gjitha energjitë tona atdhetare dhe profesionale me qëllim që fryma atdhetare që ka mbjellë Jakup Krasniqi të dalë sa më e fuqishme në këto zgjedhje!

Mbështetja që sot i jepet NISMËS Socialdemokrate është mbështetje për frymën e liderit të saj që padrejtësisht mbahet në Hagë!

commentFirst article
Sot mund të lexoni Shfletoni kopertinat