Një faqe në rrjetin social Facebook, e titulluar “Simpatizantët e PDK-së”, ka publikuar një video të rrallë të kandidatit për kryeministër nga radhët e Lëvizjes Vetëvendosje, Albin Kurti.
Kjo video, sipas “Simpatizantëve të PDK-së”, demaskon karrierën 25 vjeçare të liderit të Vetëvendosjes.
Edhe pse zyrtarisht nuk ka filluar fushata zgjedhore, tashmë partitë politike kanë filluar aktivitetet e tyre në teren.
Përveç kësaj, “luftë” e madhe është duke u zhvilluar edhe në rrjetet sociale. Faqe të ndryshme, prapa të cilave qëndrojnë partitë politike dhe simpatizantët e subjekteve të ndryshme, po vazhdojnë të publikojnë foto dhe video, të ngjashme sikurse kjo që kanë publikuar “Simpatizantët e PDK-së”.
Kujtojmë se Partia Demokratike e Kosovës ka kandiduar Enver Hoxhajn për pozitën e kryeministrit në zgjedhjet e ardhshme në Kosovë. Edhe pse ende zyrtarisht, Kurti shihet si kandidati i VV-së për kryeministër.
Në vazhdim mund ta shikoni videon: