Edhe ish-deputeti i LDK-së, i cili i është bashkuar Vjosa Osmanit, Haxhi Avdyli ka folur për lajmin që Donika Gërvalla po i bashkohet atyre.
Avdyli përmes një postimi në Facebook, thotë se po vjen Donika Gërvalla, të cilen e quan qëndrestarja e pathyeshme ndaj kapësve të LDK-së dhe Kosovës, për tu përballur me siç i quan, përbaltuesit e shtetit.
Ai thotë se ndryshimi po vjen me njerëzit e pastër para Zotit e para popullit.
Postimi i plotë:
Misioni i atyre që linçonin po mbaron. Mandati i atyre që përjashtonin, tash do iu ndërkrehet nga vullneti i plebishitar i qytetarëve.
Donika Gërvalla-Schwarz zëri i Kosovës në botë, qëndrestarja e pathyeshme ndaj së keqes dhe kapësve të LDK- së tonë e Kosovës, po vjen për tu përballur me përbaltuesit e shtetit.
Ndryshimi i vërtetë po vjen me njerëzit e pastër para zotit e para popullit . Mirësevjen Donikë, bashkë do ia dalim.
(foto e vitit 2015 në Prizren bashkë me Donikën, te ndjerin Rupert Neudeck e asambleisten Arjeta Nezaj ).✌✌
