Arianit Koci tregon se kë do ta votoj, i përmend 5 kushte

Aktuale

Arianit Koci tregon se kë do ta votoj, i përmend 5 kushte

Nga: M.H Më: 16 janar 2021 Në ora: 20:31
Arianit Koci

Avokati nga Kosova Arianit Koci përmes një postimi në facbeok ka treguar se kënd do të votojë në zgjedhjet e 14 shkurtit.

Koci në shkrimin e tij shkroi që do të votojë njërën prej katër partive të mëdha, VV, PDK, LDK dhe AAK, duke shtuar që AAK-në e futa në mesin e partive të mëdha pasi kam shok Ramushin.

Avokati ka shkruar 5 kushtet që duhet të i plotësojë një parti për ta votuar, ndër to është “sa më pa premtime, më shumë ma mbushni mendjen, transmeton “Bota sot”.

Në fund, Koci thotë që politikan të dashur, mos u lodhni, po ju njohim; kush e sa vlenë, disa prej jush, na keni shitur dushk për gogla që 20 vite.

Postimi i plotë

Kënd do ta votoj?

Do ta votoj, njërën prej katër partive të mëdha, VV, PDK, LDK dhe AAK (Aleancën e futa në grupin e partive të mëdha, për shkak se Ramushin e kam shok... :)), e cila i plotëson këto kushte:

1. Kryetari i partisë, të dalë pak e mundësisht asnjëherë në ndonjë debat televiziv;

2. Kandidatët për deputet që dalin më së paku, e kanë voten time, kur plotësohet kushti nga pika 1!

3. Sa më pak premtime, më shumë ma mbushni mendjen;

4. Sa më shumë flisni për kulturë (kush din), ma mbushni mendjen;

5. Buxhetin për zgjedhje, orientojeni në marketing klasik në mediat tona.

Burimin e vetëm, mediat tona e kanë marketingun. E pa finacim, nuk ka media të pavarura.

E pa media të pavarura, nuk ka zgjedhje dhe zgjidhje demokratike.

Përndryshe, politikan të dashur, mos u lodhni. Po ju njohim; kush e sa vlenë.

Disa prej jush, na keni shitur dushk për gogla që 20 vite.

Për më tepër, rrenën e keni instaluar si vlerë në politikë. Rrjedhimisht, rrena, mëpastaj është instaluar si vlerë në shoqëri.

Prandaj i kemi punët si i kemi.

Këtë herë më mirë ju bjen mos me folë.

commentFirst article
Sot mund të lexoni Shfletoni kopertinat