Mustafë Bajrami që para një vite kishte vendosur t’i bashkohet Aleancës për Ardhmërinë e Kosovës (AAK), në krye me Ramush Haradinaj, së fundi ka aderuar në Lëvizjen Vetëvendosje të Albin Kurtit.
Bajrami përkundër që nuk është pjesë e listës së kandidatëve për garën e zgjedhjeve të 14 shkurtit, ai ka bërë një parashikim interesant.
Ai shkruan se para shuarjes janë AKR-ja e Behgjet Pacollit, dhe NISMA e Fatmir Limajt.
Kurse, është i mendimit se do të mbesin vetëm Vetëvendosje dhe PDK-ja, kurse, për LDK-në shprehet se do të jetë si “diçka si LSI-ja e Shqipërisë, sa për numra”.
Ja shkrimi i tij:
Vazhdim i një statusi të para afër një muaji!
Pra, do të mbeten vetëm dy parti, plus një veç sa për numra. Domethënë, definitivisht përfunduan Partia e Drejtësisë, Lëvizja për Drejtësi, gati janë AKR-ja dhe Nisma, e pas tyre radhën e ka AAK-ja. Do të mbesin veç Vetëvendosje, PDK-ja, dhe LDK-ja diçka si LSI-ja e Shqipërisë. Sa për numra...!
P/S: Kjo prognozë nuk është (veç) se po kam dëshirë, por është realitet që s’ka fuqi që mund ta ndalë. Përveç nëse bëhet ndonjë mrrekulli a koha e mrrekullive ka mbaruar që moti...!