PDK formon shtabin zgjedhor në shtetet e Beneluksit dhe riaktivizon nëndegët

Aktuale

PDK formon shtabin zgjedhor në shtetet e Beneluksit dhe riaktivizon nëndegët

Më: 17 janar 2021 Në ora: 10:44
Beneluks

Në një takim virtual të zhvilluar mes veprimtarëve dhe aktivistëve politikë të PDK-së në shtetet e Beneluksit dhe Departamentit për Diasporë në PDK, u formua shtabi zgjedhor i PDK-së për këto shtete.

Drejtori i Departamentit për Diasporë në PDK, Elmi Reçica në këtë takim ka theksuar përsëri se përmes pakos së PDK-së për diasporën do të rikthehet vëmendja politike dhe institucionale për bashkatdhetarët tanë.

“Arsyeja e rikthimit të PDK-së në diasporë është përcjellja e së vërtetës për Kosovën, e vërtetë kjo e cila është deformuar qëllimshëm” ka thënë Reçica.

Drejtues të degës dhe shtabit zgjedhor të PDK-së në shtetet e Beneluksit u zgjodhën Liridon Thaçi, Bedri Podrimqaku dhe Bekim Syla.

Njëri ndër udhëheqësit e këtij shtabi, Liridon Thaçi duke u zotuar për angazhim maksimal për mobilizimin e elektoratit të PDK-së në diasporë ka njoftuar Departamentin për Diasporë për organizimin strukturor të PDK-së në të gjitha shtetet e Beneluksit.

Po ashtu, dje në Bazel të Zvicrës është riaktivizuar nëndega e PDK-së për Bazel dhe Bazeland, Sant Lui të Francës dhe zonën kufitare gjermane me qytetet Lôrach, Weil am Rejn e Rejnfelden.

Kryetar i kësaj nëndege u zgjodh është zgjedhur Qemajl Rexhepi, ndërsa kryetar i shtabit zgjedhor Xhavit Bajraktari.

Shfaq komentet
comments powered by Disqus
Sot mund të lexoni Shfletoni kopertinat