Aleanca për Ardhmërinë e Kosovës dhe Nisma Socialdemokrate janë dënuar nga Inspekcioni i Komunës së Prishtinës me nga 2 mijë euro.
Kjo pasi që të dyja partitë kanë organizuar tubime duke mos respektuar masat mbrojtëse kundër Covid-19.
Lajmin e ka bërë të ditur përmes një postimi në profilin e tij në rrjetin social Facebook, drejtori i Inspekcionit në Prishtinë, Adonis Tahiri.
Ai ka shkruar se ligji për parandalimin dhe lufitmin e pandemisë vlen për të gjithë.
Postimi i plotë:
Askush mbi ligjin!
Vazhdojmë me shqiptimin e gjobave për subjektet politike që organizojnë tubime në kundërshtim me vendimet qeveritare dhe ligjet në fuqi.
Inspekcioni i Rendit Komunal po angazhohet në identifikimin dhe marrjen e masave ndaj secilit subjekt - shkelës të ligjit - brenda territorit të Kryeqytetit.
Ligjin për parandalimin dhe luftimin e pandemisë, vlen për të gjithë!
