Nënkryetari i Lidhjes Demokratike të Kosovës, Kujtim Shala ka konfirmuar se emri i tij nuk është diskutuar si kandidat për kryeministër në zgjedhjet e 14 shkurtit.
Kjo pavarësisht se kishte pretendime se mund t’i futej garës për të parin e Qeverisë.
Ai tha në Rubikon të Klan Kosovës, se emri i vetëm që është kandidat esencial i LDK-së për kryeministër ishte Avdullah Hoti.
”Hoti ka qenë i vetmi kandidat formal i LDK-së. Edhe në Kryesinë e partisë dhe nivelet e tjera të organizimit të LDK-së kanë dhe pikëpamje dhe preferenca të tjera. Për shkak se Hoti kishte atë funksion (kryeministër), ne kishim vlerësuar punën e tij dhe qeverisë, dhe nuk kemi diskutuar për kandidatura të tjera. Kjo është arsyeja”, u shpreh Shala.
