Tahiri: PDK nuk ka vija të kuqe, por unë e kundërshtoj ashpër koalicionin me VV-në

Aktuale

Tahiri: PDK nuk ka vija të kuqe, por unë e kundërshtoj ashpër koalicionin me VV-në

Më: 24 janar 2021 Në ora: 21:37
Abelard Tahiri

Anëtari i PDK’së, Abelard Tahiri, ka thënë në emisionin Pressing se partia e tij po hyn në zgjedhje për të fituar. Ai ka thënë se nuk do të dëshironte kurrë bashkëpunim me VV’në.

“Ne si parti nuk kemi asnjëherë vija të kuqe për asnjë parti. Asnjëherë nuk kemi pasur. Por asnjëherë nuk do të bëja koalicion me VV’në”, tha ai.

Tutje ai tregoi edhe arsyet se pse nuk është pro një koalicioni me këtë subjekt.

“Jemi dy parti që dallojmë shumë me njëra tjetrën. Mendojmë kundër njëra tjetër. Ne mendojmë se ata janë e keqja e Kosovës ndërsa ne e mira. Dallojmë edhe në programe. Kemi kundërshti të mëdha. Do të duhej një vit që të krijojmë një program të përbashkët. Kemi botëkuptime të ndryshme për arsimin, ekonominë zhvillimin e gjithçka. Në parim jemi kundër një qeverisje të përbashkët me VV’në”, shtoi ai. 

Shfaq komentet
comments powered by Disqus
Sot mund të lexoni Shfletoni kopertinat