Alma Lama i është rikthyer garës për deputete të Kuvendit të Kosovës. Kësaj radhe në listë të LDK-së.
Ajo kishte qenë edhe pjesë e Vetëvendosjes më herët, e pastaj kandidate e pavarur.
Për ish-deputeten Lama, profesori ndërkombëtar Enver Bytyçi, ka thënë disa fjalë.
Bytyçi tregon se ishte pikërisht ish-ambasadorja Lama, ajo që denoncoi takimet sekrete të presidentit Thaçi dhe presidentit të Serbisë, Vuçiq, në Romë për ndarjen e Kosovës.
Sipas tij, kjo ishte arsyeja që Thaçi ndëshkoi politikisht e financiarisht.
“Ajo e la mandatin e deputetes pasi presidenti Thaçi e emëroi ambasadore të Republikës së Kosovës në Itali. Por u lirua nga kjo detyre po nga Hashim Thaçi. Arsyeja? Denoncoi takimet sekrete të presidentit Thaçi dhe presidentit të Serbisë, Vuçiq, në Romë. Kjo u bë shkak që të ndëshkohet politikisht e financiarisht. Hakmarrja e Hashimit e la thuajse të pa punë gati dy vite”, ka shkruar mes tjerash ai.
Në fund, Bytyçi ka bërë thirrje që të votohet kandidatja e LDK-së, Alma Lama.
Ja shkrimi i Bytyçit:
Alma Lama është kandidate për deputete e Lidhjes Demokratike të Kosovës. Ajo ishte zgjedhur para disa vitesh deputete e kësaj partie në Kuvendin e Kosovës dhe kjo është hera e dytë që kandidon për këtë subjekt politik.
Ajo e la mandatin e deputetes pasi presidenti Thaçi e emëroi ambasadore të Republikës së Kosovës në Itali. Por u lirua nga kjo detyre po nga Hashim Thaçi.
Arsyeja? Denoncoi takimet sekrete të presidentit Thaçi dhe presidentit të Serbisë, Vuçiq, në Romë. Kjo u bë shkak që të ndëshkohet politikisht e financiarisht. Hakmarrja e Hashimit e la thuajse të pa punë gati dy vite.
Kjo është arsyeja pse do t’u bëj thirrje votuesve të LDK-së që ta votojnë Alma Lamën si deputete. Ata do t’i bëjnë Kosovës një shërbim të madh, nëse votojnë kandidatët që kanë mbrojtur territorin e Kosovës nga Aleksandër Vuçiq, Hashim Thaçi dhe Edi Rama duke rrezikuar karrierën dhe luksin e të qenit ambasador!
Ky është rasti i Alma Lamës!
