Bytyçi i PDK-së: Bulliqi është prototipi i Vetëvendosjes në këto zgjedhje

Aktuale

Bytyçi i PDK-së: Bulliqi është prototipi i Vetëvendosjes në këto zgjedhje

Më: 10 shkurt 2021 Në ora: 14:58
Avni Bytyçi

Pas publikimi të videos ku shihet çartë që kryetari i Podujevës, Shpejtim Bulliqi e sulmon fizikisht një person në ambulancë, ka reaguar zëdhënësi i PDK-së, Avni Bytyçi.

Bytyçi përmes një postimi në rrjetin social Facebook, ka shkruar se Bulliqi është prototipi i Vetëvendosjes në këto zgjedhje.

Sipas tij, Kurti po garon me njerëz të llojit, për të cilët i kishte akuzuar partitë e tjera.

Bytyçi ndër të tjerash ka theksuar se Vetëvendosje, nuk ka program, por vetëm banditë e njerëz me akuza për korrupsion, dhe se kështu nuk mund të çkapet shteti.

Postimi i tij i plotë:

Shpejtim Bulliqi është prototipi i Lëvizjes Vetëvendosje në këto zgjedhje.

Albin Kurti po garon me njerëz të llojit për të cilët i kishte akuzuar partitë e tjera politike. Nga banditë e deri me njerëz me akuza për krim e korrupsion, Albini po synon çkapjen.

Lëvizja Vetëvendosje, nuk ka program në këto zgjedhje, për këtë arsye ju kanë ikur debateve, përjashto në televizionin e tyre të TV Dukagjinit, por, edhe aty degjove që kishin dështuar keq.

Shteti ynë është shumë i rendësishëm që t’i lihet në dorë një revolucionari endrrimtarë që po tenton me e bind Kosovën dhe botën që Lenini kishte drejtë.

*Shpejtim Bulliqi duke e sulmuar një qytetar!

commentFirst article
Sot mund të lexoni Shfletoni kopertinat