Daut Haradinaj, kandidati për deputet nga Aleanca për Ardhmërinë e Kosovës (AAK), ka treguar se ushtruesja e detyrës së postit të presidentit, Vjosa Osmani ka blerë shtëpi në Marigona Hill.
“Nëse e shihni formularin e deklarimit të pasurisë te dytë janë më pasanik se unë.
E zonja Osmani hiq nuk ka shumë kohë që ka marr shtëpi në Marigona Hill edhe bash te i njëjti pronar. Po ajo nuk mundet me na shit këta neve hiq”, ka thënë Haradinaj.
Kjo deklaratë e Haradinaj, vjen pas pyetjes që i bëri gazetari Vehbi Kajtazi se si e komenton deklaratën e kandidatit për kryeministër, Albin Kurtit dhe Vjosa Osmani se Kosova nuk do të ketë më udhëheqës që jetojnë në shtëpi e lagje luksoze.
