Edhe dy anëtarët e VV-së në KQZ e kanë votuar afatin se kur duhet të vijnë votat e diasporës

Aktuale

Edhe dy anëtarët e VV-së në KQZ e kanë votuar afatin se kur duhet të vijnë votat e diasporës

Më: 12 shkurt 2021 Në ora: 08:47
KQZ

Dy anëtarët e VV-së në KQZ, Alim Rama dhe Sami Kurteshi, e kanë votuar afatin se kur duhet të vijnë votat e diasporës, por që tani çuditërisht po e kundërshtojnë.

Jo vetëm kaq, por Rama dhe Kurteshi po akuzojnë kryetaren e KQY-së, Valdete Daka dhe anëtarët tjerë se po pengojnë ndryshimin e afatit.

Një video nga mbledhja e KQZ-së e datës 7 janar, nxjerr zbuluar dy anëtarët e VV-së. Të dy ata shihen duke votuar për planin operacional të KQZ-së që e cakton 12 shkurtin si datë të fundit për arritjen e votave përmes postës në fahun e KQZ-së.

Pavarësisht kësaj, në mbledhjen e sotme të KQZ-së ata e kanë kundërshtuar këtë datë duke kërkuar sërish ndryshimin e saj, sepse sipas tyre është e paligjshme.

Kjo nuk është hera e parë që dy anëtarët e VV-së ndryshojnë qëndrimin për votën e tyre. Rama dhe Kurteshi kishin mbështetur vendimin e KQZ-së për verifikimin e aplikuesve jashtë vendit duke iu telefonuar, por të nesërmen e kishin kundërshtuar.

Sipas KQZ-së arsyeja pse 12 shkurti është afati i fundit kur duhet të pranohen fletëvotimet nga KQZ-ja është sepse kështu është vendosur në ligjin e zgjedhjeve.

Image

 

Shfaq komentet
comments powered by Disqus
Sot mund të lexoni Shfletoni kopertinat