Kryetari i Komunës së Skënderajt, Bekim Jashari ka njoftuar se reshjet e pandërprera gjatë natës së mbrëmshme kanë vështirësuar punën në pastrimin e rrugëve.
Mirëpo ai shtoi se puna nuk është ndalur asnjëherë dhe po vazhdon ende në të gjitha fshatrat.
Postimi i plotë:
Qytetarë të nderuar të komunës sonë,
Që nga fillimi i reshjeve të fundit të borës kam angazhuar drejtorinë e shërbimeve publike dhe kompanitë e kontraktuara në pastrimin dhe zhbllokimin e rrugëve lokale në qytet dhe fshatra të komunës sonë.
Reshjet e panderprera gjatë natës së mbrëmshme kanë vështirësuar punën në pastrimin e rrugëve, mirëpo puna nuk është ndalur asnjëherë dhe po vazhdon ende në të gjitha fshatrat.
Njëkohësisht bëjë apel tek të gjithë drejtuesit e automjeteve që të shtojnë kujdesin gjatë këtyre ditëve në komunikacion.
Ne nuk ndalemi, vazhdojmë punën në shërbim të qytetarëve!
