Drejtori i Institutit EPIK, Demush Shasha, e ka komentuar hartën e emisarit të Brukselit për dialogun Kosovë-Serbi, Miroslav Lajçak.
Shasha përmes një shkrimi të gjatë, thotë se, këtë hartë nuk e solli Lajçaku, por e gjeti në mesin tonë.
Sipas tij, kjo është harta mbi të cilën janë pajtuar secili lider i shtetit të Kosovës, që nga shpallja e pavarësisë, pasi që, kjo hartë është bërë standard në procesin integrues të Kosovës.
“Neve kurrë nuk na ka pëlqyer përdorimi i hartës dhe çdo herë liderët e Kosovës e kanë shpreh shqetësimin lidhur me të, por çdo herë është dashur të mirëkuptojmë pozicionin e BE-së për shkak mungesës së njohjes nga 5 vende anëtare. Rrjedhimisht, harta është përdorur në çdo takim të nivelit të lartë në mes BE-së dhe Ballkanit Perëndimor, si dhe në çdo dokument të BE-së për Kosovën”, shkruan Shasha, përcjell gazeta “Bota sot”.
Ai tutje shkruan se, që nga shpallja e pavarësisë BE-ja e trajton Kosovën praktikisht të barbarët me vende tjera të rajonit.
Sipas tij, Kosova ka nisur procesin zyrtar të Stabilizim Asocimi.
“Kosova është pjesë e çdo mekanizmi dhe strukture rajonale politike dhe ekonomike. Kosova ka lansuar procesin e liberalizimit vizave. Kosova është përfituese e dytë më e madhe në rajon e fondeve të BE-së për kokë banori. Kosova është pjesë e programeve të BE-së, bashkë me të gjitha shtetet e BE-së dhe shtetet e Ballkanit. Pra, në çdo kuptim thelbësor dhe praktik BE-ja trajton Kosovën të barabartë me vendet e rajonit”, shkruan tutje ai.
Lexojeni reagimin e plotë:
Harta e përdorur nga Lajçak është harta mbi të cilën është pajtuar secili lider i shtetit të Kosovës që nga shpallja e pavarësisë. Me fjalë të tjera, Lajçaku nuk na i solli hartën, por e gjeti në mesin tonë.
Harta në fjalë është bërë standard në procesin integrues të Kosovës qysh nga shpallja e pavarësisë. Neve kurrë nuk na ka pëlqyer përdorimi i hartës dhe çdo herë liderët e Kosovës e kanë shpreh shqetësimin lidhur me të, por çdo herë është dashur të mirëkuptojmë pozicionin e BE-së për shkak mungesës së njohjes nga 5 vende anëtare. Prandaj, në mes refuzimit të hartës, bojkotimit të pjesëmarrjes, izolimit politik ndërkombëtar dhe humbjeve financiare kemi zgjedhur urtësinë dhe pjekurinë afatgjate shtet-ndërtuese. Pak a shumë e njëjta storie sikur fusnota. Rrjedhimisht, harta është përdorur në çdo takim të nivelit të lartë në mes BE-së dhe Ballkanit Perëndimor, si dhe në çdo dokument të BE-së për Kosovën.
Tani në vitin 2021 kjo çështje ri-problematizohet; dhe unë këtë zhvillim e shoh në njërën nga dy optika. Shpjegimi i parë përse kjo çështje po sillet në diskurs publik është sepse ekziston një mungesë e sinqertë e informatave rreth kësaj që thash më lartë dhe njerëz nuk kanë faj, kjo nuk është shpjeguar në diskursin publik asnjëherë mirëfilli, por është hedhur çdo herë nën tepih. Shpjegimi i dytë përse kjo çështje po katapultohet në diskursin publik është sepse është vazhdimësi e fushatave dezinformuese të cilat qe një kohë të konsiderueshme kanë për qëllim dobësimin e besimit të qytetarëve të Kosovës në aleancën perëndimore.
Kjo e para nuk më brengos, por ajo çfarë më brengos është përkrahja e këtij narracioni anti-perëndimor nga ana e njerëzve të cilët e dinë të vërtetën dhe të cilët nuk isha dashur të shndërrohen në karadyzenët e akterëve lindor.
Që nga shpallja e pavarësisë BE-ja trajton Kosovën praktikisht të barbarët me vende tjera të rajonit. Kosova ka nisur procesin zyrtar të Stabilizim Asocimi. Kosova është pjesë e çdo mekanizmi dhe strukture rajonale politike dhe ekonomike. Kosova ka lansuar procesin e liberalizimit vizave. Kosova është përfituese e dytë më e madhe në rajon e fondeve të BE-së për kokë banori. Kosova është pjesë e programeve të BE-së, bashkë me të gjitha shtetet e BE-së dhe shtetet e Ballkanit. Pra, në çdo kuptim thelbësor dhe praktik BE-ja trajton Kosovën të barabartë me vendet e rajonit. Patjetër duhet thënë se ka disa dallime margjinale sa i përket trajtimit të Kosovës për shkak pesë vendeve mos njohëse, por kjo asnjëherë nuk ka penguar avancimin e Kosovës në rrugën e saj integruese. Në fakt mund thuhet se në shumë procese, sikur ai i liberalizimi vizave, këto vende kanë përkrahur Kosovën.
Dhe në këtë drejtim, ngritët pyetja a janë hartat problemi i vërtet i procesit integrues të Kosovës?
Kosova nuk ka problem me hartat. Kosova ka problem me rritjen e vazhdueshme të korrupsionit, e rrenin e vazhdueshme të mirëqeverisjes. Rritjen e vazhdueshme të ndotjes ajrit, e rënien e vazhdueshme të gjelbërimit. Rritjen e vazhdueshme të numrit të studentëve, e rënien e vazhdueshme të vendeve të punës. Për këtë na duhet të flasim, e jo për hartografinë nëpër skutat e zyrave 2,000 kilometra larg këtij katundit tonë.
