Netanyahu e fton Kurtin në Izrael për inaugurimin e ambasadës në Jurusalem

Aktuale

Netanyahu e fton Kurtin në Izrael për inaugurimin e ambasadës në Jurusalem

Më: 27 shkurt 2021 Në ora: 15:01
Albin Kurti

Lëvizja Vetëvendosje ka publikuar letrat e urimit që i ka marrë dhe po vazhdon t’i marrë kreu i kësaj partie, Albin Kurti nga udhëheqës shtetëror pas fitores në zgjedhjet e 14 shkurtit.

Mes tyre është edhe letra që Kurti ka marrë nga kryeministri izraelit, Benjamin Netanyahu.

Në letrën e dërguar, tri ditë pas 14 shkurtit, përkatësisht më datën 17 shkurt, Netanyahu uron Kurtin për fitoren e shënuar në zgjedhjet e jashtëzakonshme.

Ai flet edhe për lidhjen e marrëdhënieve diplomatike mes dyja vendeve, duke thënë se e ka mirëpritur këtë marrëveshje dhe se shpreson për një etapë të re të zhvillimit të marrëdhënieve mes Kosovës e Izraelit.

Netanyahu ndër të tjera përmend edhe vendimin e Kosovës që Ambasadën e saj ta vendosë në Jerusalem, derisa shton se pret që ta ftojë Kurtin në inaugurimin e Ambasadës, përkundër që zyrtarë të VV-së kishin thënë se do ta shqyrtojnë vendimin për hapjen e Ambasadës së Kosovës në Izrael.

Image
Shfaq komentet
comments powered by Disqus
Sot mund të lexoni Shfletoni kopertinat