Ish-gjyqtari i EULEX-it kritikon BE-në që tha se ka “status neutral” ndaj Kosovës

Aktuale

Ish-gjyqtari i EULEX-it kritikon BE-në që tha se ka “status neutral” ndaj Kosovës

Më: 27 shkurt 2021 Në ora: 20:44
Miroslav Lajçak

Bashkimi Evropian ka status neutral për çështjen e Kosovës dhe Serbisë.

Ky ishte arsyetimi që përdori BE kur e arsyetoi çështjen e hartës skandaloze që emisari i dialogut Miroslav Lajçak mban në zyrën e tij, e ku Kosova paraqitet si pjesë e Serbisë.

E një gjë e tillë i ka rënë në vesh edhe ish-gjyqtari të EULEX-it, Malcolm Simmons.

Ai në një postim në Twitter, ka pyetur se a është e mundur për një organizatë si BE që të ketë një status neutral.

Simmons ka thënë se një gjë e tillë sugjeron që BE mund të mbështesë një rezultat që nuk është në interesin e shteteve anëtare të saj.

Image

“A është e mundur që një organizatë si BE të jetë ‘status neutrale’? Të jesh ‘neutral ndaj statusit’ sugjeron që BE mund të mbështesë një rezultat që nuk është në interesin e Shteteve Anëtare. A është ky një realitet?”, ka shkruar ai.

Simmons pritet të dëshmojë në Kuvendin e Kosovës për shkeljet që EULEX-i kishte bërë  gjatë misionit të tij për sundimin e ligjit në Kosovë.

Ai kishte parashtuar një kërkesë për raportim, mirëpo rënia e qeverisë ka shtyer raportimin e tij.

commentFirst article
Sot mund të lexoni Shfletoni kopertinat