Komisioni Qendror i Zgjedhjeve nuk ka dhënë një përgjigje definitive nëse gjatë ditës së sotme do të mund të fillojë procesin e numërimit të votave me kusht.
“Po punojmë shumë që të dielën të mund të fillojmë me numërimin e rreth 31 mijë e 500 votave me kusht dhe dhe rreth 2 mijë e 800 votave të personave me nevoja të veçanta.
Pastaj, edhe numërimin e votave të cilat kanë ardhur përmes postës”, ka theksuar zëdhënësi i KQZ-së, Valmir Elezi.
I pyetur nëse numërimi mund të nisë sot pasdite ose në orët e mbrëmjes nga ndërrimi i dytë, Elezi ka thënë se nëse do të arrijnë që sot të fillojnë procesin e numërimit do t’i njoftoj mediet me kohë për të qenë prezente në QNR.
