Elezi: Ende nuk dihet kur fillon procesi i numërimit të votave me kusht

Aktuale

Elezi: Ende nuk dihet kur fillon procesi i numërimit të votave me kusht

Më: 28 shkurt 2021 Në ora: 19:31
Valmir Elezi

Zëdhënësi i KQZ-së, Valmir Elezi, tha se ende nuk dihet se kur do të fillojë numërimi i fletëvotimeve me kusht dhe votave të personave me nevoja të veçanta.

“Aktualisht shërbimi votues është duke bërë një verifikim të të dhënave dhe pas përfundimit të tij do të mund të fillojmë me numërimin e fletëvotimeve me kusht dhe votave të personave me nevoja të veçanta”, tha ai.

“Po bëjmë përpjekje që ta përmbyllim sa më shpejt këtë proces në mënyrë që të mund të nisim me numërimin e votave me kusht dhe atyre të personave me nevoja të veçanta. Shpresojmë se do të arrijmë që sonte të nisim këtë numërim”, tha tutje Elezi.

Numri i zarfeve të fletëvotimeve me kusht është 31 mijë e 427, ndërsa i zarfeve të fletëvotimeve të personave me nevoja të veçanta është 2 mijë e 766.

commentFirst article
Sot mund të lexoni Shfletoni kopertinat