Eugen Cakolli nga Instituti Demokratik i Kosovës, përmes një shkrimi në Facebook, ka bërë publike rezultatin e votave të deritanishme, raporton “Bota sot”.
Cakolli thotë se këto rezultate përfshijnë votat e rregullta, votat me kusht, si dhe rreth 60 për qind të votave me postë.
Nga këto rezultate të publikuar nga zyrtari i KDI-së, Lëvizje Vetëvendosje ka 437 mijë vota, 58 ulëse në Kuvend, ose përkthyer në për qindje, 49.9%.
Partia Demokratike e Kosovës e dyta, me 147 mijë vota, 19 ulëse, ose 16.7 në përqindje. Ndërsa, Lidhja Demokratike e Kosovës si e treta, ka gjithsej 111 mijë vota, 15 ulëse në Kuvend, ose kthyer në përqindje 12.7 për qind.
Ja shkrimi i Cakollit, dhe rezultatet momentale:
Sipas rezultateve dhe votave të deritanishme, përfshirë votat e rregullta, votat me kusht, si dhe rreth 60% të votave me postë, rezultati përfundimtar - me një marzhë të vogël të lëvizjes/gabimit - mund të jetë si vijon:
LVV - 49.9% - rreth 437 mijë vota 58 ulëse
PDK - 16.7% - rreth 147 mijë vota 19 ulëse
LDK - 12.7% - rreth 111 mijë vota 15 ulëse
AAK - 7.1% - rreth 62 mijë vota 8 ulëse
LS - 5.1% - rreth 45 mijë vota 10 ulëse
KDTP - 0.75% - rreth 6,500 vota 2 ulëse
ADRIANA HODZIC - 0.74% - rreth 6,400 vota 1 ulëse
VAKAT - 0.68% - rreth 6 mijë vota 1 ulëse
RI - 0.46% - rreth 4 mijë vota 2 ulëse
IRDK - 0.40% - rreth 3,500 vota 1 ulëse
NDS - 0.33% - rreth 3 mijë vota 1 ulëse
JGP - 0.25% - rreth 2,200 vota 1 ulëse
PDAK - 0.25% - rreth 2,200 vota 1 ulëse
