Kryetari i Shoqatës “Vatra” Elmi Berisha, theksoi se Kosova nuk ka kohë për të humbur, pasi lidhja dhe miqësia e përhershme me SHBA-të duhet të mbahet shumë afër.
Lidhur me kërkesën e presidenti Turk Erdogan, ku i kërkoi Albin Kurtit para disa ditësh që të tërhiqej nga marrëveshja e arritur në SHBA për vendosjen e marrëdhënieve diplomatike me Izraelin, Berisha tha se miqësia me Amerikën nuk duhet të vihet në pikëpyetje nga kërkesat e një shteti tjetër.
“Nuk mund të luhet me idetë apo kërkesat e një shteti që nuk krahasohet as për së afërmi me miqësinë që kemi me Shtetet e Bashkuara, ne kërkojmë si “Vatër” që Kosova menjëherë ta la realizojë marrëveshjen me Izraelin dhe ta dërgojë ambasadën aty ku e ka vendin”.- tha kryetari i Shoqatës “Vatra”.
Vetëm pak ditë më parë presidenti Turk Erdogan i kërkoi Kurtit që të tërhiqet nga marrëveshja, e cila u arrit në SHBA për vendosjen e marrëdhënieve diplomatike me Izraelin.
Ndërsa në të njëjtën ditë kryeministri izraelit, Benjamin Netanyahu e ftoi kreun e vetëvendosjes në ceremoninë e hapjes së ambasadës në Jeruzalem.
Pas këtyre korrespondencave ka pasur mjaft reagime për zgjedhjen që duhet të bëjë Kurti, i cili në përgjigjet që i dërgoi presidentit Erdogan dhe kryeministrit Netanjahu u tregua i kujdesshëm për të mos mbajtur një qëndrim të prerë.