“Po synon kryetar klanesh”, Mustafa i përgjigjet Rugovës

Aktuale

“Po synon kryetar klanesh”, Mustafa i përgjigjet Rugovës

Më: 4 mars 2021 Në ora: 18:19
Isa Mustafa

Ish deputeti i LDK-së, Naser Rugova, dje ka thënë që kryetari në largim i LDK-së, Isa Mustafa, po synon të ketë kryetar klanesh.

Këto deklarata Mustafa i ka quajtur të ulëta dhe të pavërteta.

“Nuk ka asnjë takim, grupe të fshehta, ose grupe të caktuara. Të gjitha takimet tona, janë takime të hapura që mbahen me kryetarë të degëve dhe kryesi dhe mund të ju themi që të gjithë ata që deklarohen për çështje të tilla gënjejnë opinionin. Ata gjithashtu tentojnë që të krijojnë një situatë jo të mira para kuvendit të LDK-së”.

Mustafa pas takimit me kryetarët e degëve të LDK-së, ka thënë që për 10 vite sa është në krye të LDK-së, asnjëherë nuk ka pasë akuza të tilla.

“Që 10 vjet jam në krye të LDK-së dhe askush deri më sot, nuk më ka thënë që kam pasë një klan të LDK-së ose kam punuar me një grup, por unë i kam trajtuar njëjtë sikurse një degë që ka dhënë 300 vota, si një degë që ka dhënë 50 mijë. Këto janë çështje të ulëta, ta pavërteta dhe nuk i shërbejnë LDK-së dhe kuvendit që po e mbajmë”.

commentFirst article
Sot mund të lexoni Shfletoni kopertinat