Çitaku tregon se kë kishte frymëzim, derisa thekson se lufta për barazi vazhdon

Aktuale

Çitaku tregon se kë kishte frymëzim, derisa thekson se lufta për barazi vazhdon

Më: 8 mars 2021 Në ora: 09:51
Vlora Çitaku

Ish-ambasadorja e Kosovës në Amerikë, Vlora Çitaku ka treguar se cilat fotografi mbante në zyrën e saj gjatë kohës sa ishte ministre.

Ajo  kishte vendosur fotografitë e grave shqiptare, të cilat kanë qenë frymëzim dhe se falë sakrificës së tyre Çitaku pati nderin të ushtrojë funksione të rëndësishme publike.

Çitaku theksoi se rrugëtimi i tyre ishte shumëfish më sfidues se i yni dhe se detyra jonë është që rruga drejt suksesit të jetë më e lehtë për gjeneratat që vijnë pas nesh.

Me rastin e 8 Marsit ajo tha se lufta për barazi nuk ka filluar me, por që lufta vazhdon.

Postimi i plotë:

Sa isha Ministre në Ministrinë për Integrim Evropian, në krye të zyres sime pata vendosur fotografitë e grave shqiptare të cilat kanë qenë frymëzimi im, dhe falë sakrificës së të cilave unë pata nderin të ushtrojë funksione të rëndësishme publike.

Rrugëtimi i tyre ishte shumëfish më sfidues se i yni. E detyra jonë është që rruga drejtë sukesit të jetë më e lehtë për gjeneratat që vijnë pas nesh.

Të gjitha atyre grave që ndër shekuj shembën muret e paragjykimeve; të gjitha heroinave të cilave emrin nuk ua mësuam kurrë; sot e përjetë: Faleminderit.

Lufta për barazi nuk ka filluar me ne. Lufta vazhdon.

#8Marsi

Image
Shfaq komentet
comments powered by Disqus
Sot mund të lexoni Shfletoni kopertinat