Zyrtare: Pas Lumir Abdixhikut, edhe Lutfi Haziri kandidat për kryetar të LDK-së

Aktuale

Zyrtare: Pas Lumir Abdixhikut, edhe Lutfi Haziri kandidat për kryetar të LDK-së

Nga: P.R Më: 8 mars 2021 Në ora: 20:27
Lutfi Haziri

Para pak minutash, deputeti i LDK-së, Lumir Abdixhiku ka shpallur kandidaturën për kryetar të LDK-së.

Por përveç tij, edhe Lutfi Haziri ka shpall kandidaturën.

Kështu ka bërë të ditur përmes një komunikate për media Lidhja Demokratike e Kosovës.

“Sot, Kryesia e Lidhjes Demokratike të Kosovës, mbajti mbledhjen e rradhës me qëllim të përgatitjes sa më të mirë të Kuvendit të LDK-së, përkatësisht Kuvendit për zgjedhjen e Kryetarit të LDK-së. Në mbledhje u dakordua për përgatitjet e nevojshme dhe të domosdoshme për mbledhjen e Kuvendit dhe në parim u konfirmuan edhe emrat e delegatëve të Kuvendit, të cilët janë konfirmuar nga secila degë e LDK-së”, thuhet në komunikatën e LDK-së.

“Në mbledhjen e sotme, u paraqitën edhe dy kandidatura për Kryetar të LDK-së. Kandidaturat për Kryetar të LDK-së i paraqitën z. Lutfi Haziri nënkryetar i LDK-së dhe Kryetar i Gjilanit si dhe z. Lumir Abdixhiku, anëtar i Kryesisë së LDK-së. Në mbledhje gjithashtu u shpreh se ka edhe kandidatura tjera, që mund paraqiten ditëve në vijim”, përfundon komunikata e LDK-së.

Shfaq komentet
comments powered by Disqus
Sot mund të lexoni Shfletoni kopertinat