Ish-ambasadorja e Kosovës në SHBA, Vlora Çitaku ka reaguar në rrjetin social Twitter për mospërfshirjen e ish-presidentit Hashim Thaçi në fotografitë e postuara nga Shërbimi për Punë të Jashtme dhe Siguri i BE-së për 10 vjetorin e negociatave Kosovë-Serbi.
Ky shërbim ka postuar disa fotografi ndër vite të delegacioneve të Kosovës dhe Serbisë.
Aty shihen Edita Tahiri, Isa Mustafa e Avdullah Hoti por nuk është vendosur ndonjë fotografi ku shihet edhe ish-presidenti Hashim Thaçi i cili kishte mar pjesë aktivisht në bisedime.
Çitaku ka shkruar se BE mirë që po mbanë gjurmët e gjërave si kanë ndodhur, por “duket se keni harruar se kush ishte Kryeministri i Kosovës që nënshkroi detyrën e Brukselit!”.
Ajo ka hedhur dyshime duke thënë se ndoshta BE dëshiron të thotë se marrëveshjet e nënshkruara nga Thaçi nuk janë më të vlefshme.
Ky është postimi i saj:
Përshëndetje BE, mirë të i’u shoh se po i mbani gjurmët e gjërave.
Por, disi duket se keni harruar se kush ishte Kryeministri i Kosovës që nënshkroi marrëveshjen e Brukselit!
Apo ndoshta ju thjesht po përpiqeni të na thoni se marrëveshjet që Thaçi i nënshkroi nuk janë më të vlefshme?!
#Revizionizëm.
Hi @eu_eeas ? Good to see you are keeping track of things.
— Vlora Çitaku ? (@vloracitaku) March 9, 2021
But somehow you seem to have forgotten who the PM of #Kosovo was that signed the #Brussels agreement ?
Or maybe you are just trying to tell us that the agreements that Thaci signed are not valid anymore?! #Revisionism https://t.co/nCW6yuRPtZ
