Edhe Pacolli kërkon rinumërim total të votave

Aktuale

Edhe Pacolli kërkon rinumërim total të votave

Më: 11 mars 2021 Në ora: 18:30
AKR

Anëtari i AKR-së, Islam Pacolli, ka reaguar sot për rezultatet përfundimtare të zgjedhjeve të 14 shkurtit.

Ai përmes një postimi në “Facebook” ka kërkuar rinumërim total të votave.

“Deputetët kanë nevojë për legjitimitet qytetarë. Nuk mund të përfaqësohet qytetari nga deputeti manipulues e i pandershëm, përderisa kandidatët meritorë ngelin jashtë Kuvendit- si pasojë e manipulatorëve. Procesi ka nevojë për legjitimitet. Vetëm rinumërimi i tërësishëm mund të garantojë pacenushmërinë e vullnetit qytetarë. Prandaj, KQZ duhet të lejojë rinumërimin. Kjo nuk ka alternativë”, ka shkruar ai.

Nga kjo parti vetëm lideri i tyre Behgjet Pacolli ka arritur që të bëhet deputet.

Postimi i plotë:

Për Partitë vendosi Populli, për deputetët vendosen numëruesit!

Shpallja e rezultateve përfundimtare, respektivisht procesi i ankimimit nxorri në dritë manipulime të theksuara, kryesisht brenda llojit. Rinumri i vetëm disa pakove nga ankesat individuale të kandidatëve për deputetë nga QNR sipas vendimeve të PZAP vuri ne dritë se procesi zgjedhor megjithatë si tërësi është i përcjellur me probleme të theksuara.

Pra, qartësisht ka deformim të vullnetit qytetarë dhe jo të gjithë ata që në fakt janë në prag të certifikimit si deputet kanë legjitimitet popullorë të fituar.

Deputetët kanë nevojë për legjitimitet qytetarë. Nuk mund të përfaqësohet qytetari nga deputeti manipulues e i pandershëm, përderisa kandidatët meritorë ngelin jashtë Kuvendit- si pasojë e manipulatorëve.

Procesi ka nevojë për legjitimitet. Vetëm rinumërimi i tërësishëm mund të garantojë pacenushmërinë e vullnetit qytetarë. Prandaj, KQZ duhet të lejojë rinumërimin. Kjo nuk ka alternativë.

Shfaq komentet
comments powered by Disqus
Sot mund të lexoni Shfletoni kopertinat