Kandidati për kryetar të LDK-së, Lutfi Haziri, ka uruar kryetarin e zgjedhur të partisë, Lumir Abdixhiku, duke i premtuar atij se do ta mbështes dhe do t’i qëndrojë mbrapa çdo orë të çdo dite për të fituar betejat e ardhshme politike që e presin Lidhjen Demokratike.
Ai tha se të gjithë i kanë analizuar dhe kanë krijuar pritshmëri se si do të shkojë ky kuvend zgjedhor, por shtoi se LDK është standard dhe shkollë politike.
Haziri: LDK, standard politike
“LDK është më e madhe, LDK është standard politik, është shkollë politike, është vet shteti i Kosovës për të cilin kemi për të punuar pa u ndalur”, deklaroi Haziri.
Haziri shkurt deklaroi se Abdixhiku është kryetari më i ri i një partie në skenën politike kosovare por që me LDK-në do të fitojnë betejat politike që i presin.
Haziri: Punojmë bashkë për LDK
“Punojmë për LDK-në bashkë. Kryetari i katërt i LDK-së është kryetari më i ri i skenës politike dhe nën LDK-në për të fituar çdo betejë politike që e kemi përpara. Zoti ju ruajt!”, tha Haziri.
