Kërkohen zgjedhje edhe në këtë parti, propozohet Murat Jashari për kryetar

Aktuale

Kërkohen zgjedhje edhe në këtë parti, propozohet Murat Jashari për kryetar

Nga: A.Zh Më: 15 mars 2021 Në ora: 08:03
Murat Jashari

Pas zgjedhjeve të brendshme që u mbajtën dje në Lidhjen Demokratike të Kosovës, gazetari Xhevdet Pozhari, ka kërkuar që të mbahen zgjedhje edhe në Partinë Demokratike të Kosovës.

Ai ka thënë se partia, e cila sipas tij, identifikohet “me hajninë”, mund ta kthejë identitetin e saj vetëm duke zgjedhur kryetar të saj Murat Jasharin, përcjell Bota sot.

Sipas Pozharit, kjo do të bënte shkëputjen e prerë nga “komandantët” milionerë.

Reagimi i Pozharit në Facebook:

Fitorja e Vetëvendosjes imponoi reforma edhe tek të tjerët. Mbi të gjitha, filloi dekriminalizimi i skenës politike.

Duhej të ishe i verbëruar nga urrejtja që mos ta shihje se pastërtia e Albin Kurtit i obligon edhe të tjerët që ishin të zhytur në llumin e biznes-interesave dhe hajnisë.

Duhej të kishe disa dërrasa mangu sa ta vlerësosh ma shumë kalibrin e Besa Gaxherrit sesa Vjosa Osmanit. Apo ta parapëlqesh Dullen para Lumirit. Është krahasimi i ngjashëm sikur Molliqaj të ishte në vend të Kurtit.

Radhën e ka PDK-ja. Edhe për këtë parti që sot identifikohet me hajninë ka shpresë - vetëm nëse e rikthen dinjitetin me emblemën e vërtetë të UÇK-së duke e zgjedhur kryetar të saj, Murat Jasharin. Atëherë do ta bënte shkëputjen e prerë nga 'komandatët' milionerë.

Në këto rrethana, shumëçka do të kthehej për së mbari në këtë shoqëri. Veçanërisht ndershmëria në politikbërje.

commentFirst article
Sot mund të lexoni Shfletoni kopertinat