Shkarkohet Driton Gashi

Aktuale

Shkarkohet Driton Gashi

Më: 15 mars 2021 Në ora: 21:15
Driton Gashi

Është liruar nga detyra sekretari i presidencës, Driton Gashi.

Lajmin e ka konfirmuar Bekim Kupina, këshilltar për media në zyrën e ushtrueses së detyrës së presidentes, Vjosa Osmani.

“Komisioni i themeluar me vendim ad hoc për nivelin e lartë drejtues, me vendim të u.d. Presidentes Osmani, më 20 janar 2021, në rastin disiplinor ndaj z.Driton Gashi, sekretar në zyrën e Presidencës, ka përmbyllur shqyrtimin e këtij rasti dhe ka vendosur unanimisht shqiptimin e masës disiplinore: largim nga shërbimi civil dhe e ka obliguar zyrën e Presidentes për zbatimin e këtij vendimi”, tha Kupina.

Muaj më parë, Gashi ishte suspenduar nga pozita e Sekretarit në Presidencë, pasi që Faton Peci, Shef i Kabinetit të ushtrueses së Detyrës së Presidentit të Kosovës kishte thënë se e ka zënë Driton Gashin bashkë me një agjent të AKI-së duke tentuar që t’i tërhiqnin dokumentet nga sefi i Zyrës së Presidentit. 

Shfaq komentet
comments powered by Disqus
Sot mund të lexoni Shfletoni kopertinat