Lidhja Demokratike e Kosovës, ka zgjedhur dje Kryesinë e re të partisë.
Jashtë Kryesisë qendrore, kanë mbetur shumë emra të njohur të LDK-së, që kishin poste të rëndësishme për vjet me radhë.
Agim Veliu, Haki Rugova, Ismet Beqiri, Skënder Hyseni, Avdullah Hoti, Driton Selmanaj e Arban Abrashi, më nuk do të kenë asnjë funksion të lartë në parti.
E pas largimit të tyre nga partia, njohësi i çështjeve politike Leon Duhanaj, ka thënë se mund të pritet rikthimi i Vjosa Osmanit në këtë parti, përcjell Bota sot.
“Lajmi i fundit. Pasi që sipas kërkesës së saj u pastruan zurët e LDK-së pritet rikthimi triumfalist i Vjosës. Gëzuar”, ka shkruar shkurt ai, në një postim në Facebook./BS